வவுனியா சுத்தானந்த இந்து இளைஞர் சங்கக் கீதம்
பல்லவி
வவுனியா நகரினில் வளர்ந்ததோர் நிறுவனம்
வாழிய வாழியவே
வளம் பெறுஞ் சுத்தானந்த இந்து இளைஞர் சங்கம்
வாழிய வாழியவே!
(வவுனியா)
அனுபல்லவி
அவனியில் புகழுடன் அருமைகள் பலவுடன்
வாழிய வாழியவே
ஆண்டுகள் பலப்பல அருந்தொண்டு ஆற்றியே
வாழிய வாழியவே
(வவுனியா)
சரணம்
இந்து சமயத் தொண்டும் – தமிழ்
இலக்கிய சமூகத் தொண்டும்
வந்த துயர் துடைக்கும் – பல
வகைகளில் தொண்டுஞ் செய்து
அறநெறிப் பாட சாலை – சிறுவர்
ஆரம்பப் பாட சாலை
அருள்நெறிப் பிரசங் கங்கள் – நல்ல
ஆத்மீக வழி காட்டல்கள்
தங்கும் இட வசதி – பெரும்
தர்ம நிதி உதவி
எங்கும் புகழ் விளங்க – நல்ல
ஏற்ற மொடு செழித்து
(வவுனியா)
– கவிஞர் அகளங்கன் –